វីវរហើយ! ទីផ្សារសាច់ជ្រូកថៃ កំពុងឡើងថ្លៃ ឥឡូវរកឃើញមានផ្ទុកមេរោគប៉េស្តអាហ្វ្រិកទៀត
ទីផ្សារសាច់ជ្រូកឡើងថ្លៃ នៅឯប្រទេសថៃ បានក្លាយជាប្រធានបទដ៏ក្តៅគគុក ក្រោយវាបានបង្កផលលំបាកដល់ការរស់នៅប្រចាំថ្ងៃរបស់ប្រជាពលរដ្ឋថៃជាខ្លាំង ខណៈពេលដែលជំងឺឆ្លងហាក់កាន់តែកើនឡើងជារៀងរាល់ថ្ងៃ។
លើសពីនេះទៅទៀត កាលពីរសៀលថ្ងៃទី ១១ ខែមករា ឆ្នាំ ២០២២ មន្ត្រីអាជ្ញាធរបសុសត្វថៃ បានប្រកាសរកឃើញជំងឺប៉េស្តអាហ្វ្រិកនៅលើសាច់ជ្រូក ដោយវាបានរីកសាយភាពឆ្លងនៅឯស្តុកកាប់សាច់នៅឯខេត្ត Nakhom Pathom ប្រទេសថៃ។
យ៉ាងណាមិញ អាជ្ញាធរថៃ បានបញ្ជាក់បន្ថែមថា ៖ «ឥឡូវនេះយើងបានរាយការណ៍ទីអង្គការសុខភាពពិភពលោកផ្នែកបសុសត្វរួចហើយ ហើយគេកំពុងត្រួតពិនិត្យ។ សុំបងប្អូនកុំព្រួយបារម្ភ ជំងឺនេះគឺមិនអាចចម្លងទៅមនុស្ស ឬ សត្វដទៃផ្សេងទៀតទេ ដរាបណាបងប្អូនចម្អិនសាច់ឆ្អិនល្អ ហើយត្រឹមត្រូវ»៕
