ថៃ នឹងចាត់វិធានការជាបន្ទាន់ លើការប្រើប្រាស់ កញ្ឆាជាកំហិត

លោក Chonlanan Srikaew រដ្ឋមន្ត្រីសុខាភិបាលថៃ បានឲ្យដឹងថា រដ្ឋាភិបាលថៃ នឹងចាត់វិធានការជាបន្ទាន់ លើច្បាប់មួយដើម្បីហាមប្រាម ទៅលើការប្រើប្រាស់ កញ្ឆាជាកំហិត បន្ទាប់ពីព្រះរាជាណាចក្រមួយនេះ បានកាត់ផ្តាច់គ្រឿងញៀន នៅឆ្នាំ ២០២២ ។

ថ្ងៃអង្គារនេះ រដ្ឋមន្ត្រីក្រសួងសុខាភិបាលថៃ លោក Chonlanan Srikaew បានលើកឡើងថា ច្បាប់ថ្មី ដែលហាមប្រាមទៅលើការប្រើប្រាស់កញ្ឆា នឹងត្រូវដាក់ស្នើទៅក្នុង កិច្ចប្រជុំគណៈរដ្ឋមន្ត្រី នៅសប្តាហ៍ក្រោយនេះ ។ “ច្បាប់ថ្មីនេះនឹងត្រូវបានធ្វើវិសោធនកម្មពីច្បាប់ដែលមានស្រាប់ ដើម្បីអនុញ្ញាតឱ្យ ប្រើតែកញ្ឆាសម្រាប់គោលបំណង សុខភាព និងឱសថប៉ុណ្ណោះ” ។ “ការប្រើដើម្បីសប្បាយត្រូវបានចាត់ទុកថា ខុសច្បាប់” ។

លោក Srettha Thavisin នាយករដ្ឋមន្ត្រី ដែលចូលកាន់តំណែង កាលពីខែសីហាឆ្នាំមុន បានសម្តែងការប្រឆាំងជារឿយៗ ចំពោះការប្រើប្រាស់ថ្នាំញៀន រំញោចសរសៃប្រសាទ ហើយបានថ្លែងថា វាគួរតែត្រូវបានអនុញ្ញាតឱ្យប្រើស ម្រាប់តែឱសថប៉ុណ្ណោះ ៕