មិនត្រឹមតែស្អាតរៀនពូកែទេ កូនស្រីអ្នកនាង ខៀវ សានសាណា ក៏ចេះរាំរបាំនាងភួងដែរ

ភ្នំពេញ៖ អាចនិយាយបានថា កំពូលពិធីការិនីដ៏ល្បីល្បាញ អ្នកនាង ខៀវ សានសាណា បច្ចុប្បន្នជោគជ័យទាំងការងារសិល្បៈហើយថែមទាំងជោគជ័យនឹងជីវិតគ្រួសារ។ ជាពិសេស នាងមានស្វាមីដែលយល់ចិត្ត ហើយថែមទាំងមានកូនស្រីស្អាត ឆ្លាត និងរៀនពូកែទៀតផង។

ពិតណាស់ បើក្រឡេកមើលកូនស្រី អ្នកនាង ខៀវ សានសាណា គេឃើញសម្រស់កូនស្រីនាង ពិតជាស្រស់ស្អាតបែបកូនកាត់។ហើយពេលនេះ កូនស្រីពិធីការិនីរូបនេះ ក៏កាន់តែលូតធំធាត់ជាងមុន ចំណែករូបសម្ផស្សក៏រឹតតែស្រស់សោភា មិនចាញ់ម្ដាយប៉ុន្មានឡើយ។

តួយ៉ាង ប្រិយមិត្តធ្លាប់តែបានឃើញកូនស្រីអ្នកនាង ខៀវ សានសាណា តុបតែងខ្លៀនស្លៀកឈុតសម័យ ប៉ុន្តែគេចាប់អារម្មណ៍ឃើញកូនតារារូបនេះ ស្លៀកឈុតរបាំភួងនារី ឃើញថាស្រស់ស្អាតផូរផង់តែម្ដង។ គួរបញ្ជាក់ផងដែរថា នាងតូចរូបនេះ ក៏ចេះរាំរបាំភួងនារីទៀតផង ពិតជាគួរឲ្យសរសើរ៕

សូមទស្សនារូបភាពខាងក្រោម៖