ខ្លាំងជាងមុនទៀត! ពេលនេះ ហ្វេសប៊ុក Tangmo ទើបបង្កើតថ្មី បានទម្លាយរូបបន្តរឹតតែក្តៅ
អ្នកលេងក្នុងបណ្តាញសង្គមកំពុងតែនៅមិនសុខនោះទេ ដោយសារតែមានចម្ងល់ថាអ្នកណាគឺជាអ្នកលេងហ្វេសប៊ុករបស់តារាសម្ដែងស្រី Tangmo Nida ហើយបង្ហោះរូបថតនៅលើទូក និង មានសរសេរជាសារផ្សេងៗដាក់ចំៗទៅលើមនុស្សទាំង ៥ នាក់នៅលើទូកក្នុងថ្ងៃកើតហេតុ។ ជាពិសេសគឺ Gratik ដែលត្រូវមិត្តជិតស្និទ្ធបំផុត និងជាអ្នកចាត់ការផ្ទាល់ខ្លួនរបស់ Tangmo ផងដែរ។
ត្រឡប់មកមកលម្អិតនៅថ្ងៃទី ២១ ខែឧសភា ឆ្នាំ២០២២ បន្តិច ក្រោយពីហ្វេសប៊ុក Happy Melon Patcharaveerapong បានចាប់ផ្តើមសកម្មឡើងវិញដោយបង្ហោះរូបភាពក៏ដូចជាវីដេអូខ្លីៗ និង Add story បន្តបន្ទាប់ ទាំងដែលម្ចាស់ហ្វេសប៊ុកជាតារាស្រី Tangmo បានបាត់បង់ជីវិតទៅហើយនោះ។
ពិតជាធ្វើឱ្យមហាជនអ្នកគាំទ្រផ្ទុះការភ្ញាក់ផ្អើល និង ចម្លែកចិត្តជាខ្លាំងថាអ្នកណាជាអ្នកលេងហ្វេសប៊ុក Tangmo។ រហូតដល់ហ្វេសប៊ុកសំខាន់នេះត្រូវបានប្លុក ហើយក៏បង្កើតផេកហ្វេសប៊ុកថ្មី ដាក់ថា «Happy Melon official»។
ថ្មីៗនេះ បានបង្ហោះរូបភាពរបស់ Send និង Gratik អង្គុយមើលទូរស័ព្ទ ភ្ជាប់ជាមួយសារសរសេរថា៖ «នៅមានព័ត៌មានពិតច្រើនទៀត មុននឹងបូជាយើង គិតថាអាចបិទមាត់យើងបាន? មិត្តសម្លាញ់របស់ខ្ញុំ» ជាមួយនឹងរូប Emoji កាំបិត និង តំណក់ឈាមក្រហម។ ធ្វើឱ្យអ្នកនិយមលេងក្នុងបណ្តាញសង្គម ចូលមកបញ្ចេញមតិ រង់ចាំមើលមានអ្វីទៀតដែលត្រូវបង្ហោះចេញ។