វត្តគិរីសាលវ័ន ហៅវត្តថ្មីនឹងកែតម្រូវមហាកុដិទៅតាមរចនាបទវប្បធម៌ប្រពៃណីខ្មែរឡេីងវិញនិងចេញសេចក្ដីប្រកាសព័ត៌មាន សូមការអភ័យទោសពីមហាជន
ក្រោយពីមានការផ្ទុះរិះគន់លេីបណ្តាញសង្គមពីរចនាបថមហាកុដិក្នុងវត្តគិរីសាលវ័ន ហៅវត្តថ្មី នេះ ស្ថិតក្នុងភូមិទ្រាន ឃុំទ្រាន ស្រុកកំពង់សៀម ខេត្តកំពង់ចាម ពេលនេះព្រះគ្រូអធិការវត្ត និងគណៈកម្មការ អាចារ្យវត្តគិរីសាលវ័នហៅ(វត្តថ្មី) យល់ព្រមកែតម្រូវមហាកុដិទៅតាមរចនាបទវប្បធម៌ប្រពៃណីខ្មែរឡេីងវិញនិងចេញសេចក្ដីប្រកាសព័ត៌មាន សូមការអភ័យទោសពីមហាជន។
នេះបេីតាមការបញ្ជាក់ពី លោក រ៉េត សារ៉ាត ប្រធានមន្ទីរធម្មការ និងសាសនាខេត្តកំពង់ចាម បន្ទាប់ពីកិច្ចប្រជុំនៅព្រឹក ថ្ងៃទី៥ ខែមីនា ឆ្នាំ២០២៤ ដោយមានការនិមន្តចូលរួមពី ព្រះមន្ត្រីសង្ឃសាលាគណខេត្តកំពង់ចាម និងមន្ទីរធម្មការ និងសាសនាខេត្តកំពង់ចាម មន្ទីរវប្បធម៌ និងវិចិត្រសិល្បៈខេត្តកំពង់ចាម រួមនឹងអាជ្ញាធរស្រុកកំពង់សៀម ព្រះសង្ឃ គណៈកម្មាធិការវត្តគិរីសាលវ័ន ហៅវត្តថ្មី បានឯកភាពគ្នាថា វត្តយល់ព្រមកែលម្អកំពូលមហាកុដិ ឱ្យមានលក្ខណៈជាខ្មែរវិញ ។ បើតាមលោក សារ៉ាត វត្តក៏នឹងចេញសេចក្ដីប្រកាសព័ត៌មាន ដោយសូមការអភ័យទោសពីសាធារណជន អំពីការសង់មហាកុដិនេះដែរ។
