នគរបាលឃាត់រាជធានីភ្នំពេញ ឃាត់ខ្លួនជនសង្ស័យបន្តបន្ទាប់ចំនួន ០៦នាក់ ដែលបានប្រព្រឹត្តបទល្មើស អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា

នៅថ្ងៃទី២៩ ខែកុម្ភៈ ឆ្នាំ២០២៤ កម្លាំងការិយាល័យបានស្រាវជ្រាវឃាត់ខ្លួនជនសង្ស័យបន្តបន្ទាប់ចំនួន ០៦ នាក់ ដែលបានប្រព្រឹត្តបទល្មើស អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (យក ជើងធាក់ម៉ូតូឲ្យដួលរួចនាំគ្នាចុះពីលើម៉ូតូ យកកាំបិតប៉័ងតោកាប់ ដៃ ជើង វាយ ទាត់ ធាក់ជនរងគ្រោះប្លន់យកម៉ូតូ) ប្រព្រឹត្តនៅរាជធានីភ្នំពេញ ចំនួន ០៣ ករណី ចាប់យកម៉ូតូជាមធ្យោបាយជិះធ្វើសកម្មភាព ចំនួន ០២ គ្រឿង និងម៉ូតូរបស់ជនរងគ្រោះចំនួន ០១ គ្រឿង បញ្ជូនមកការិយាល័យដើម្បីសាកសួរចាត់ការតាមនីតិវិធី។

បច្ចុប្បន្ន ជនសង្ស័យ វត្ថុតាងជាមធ្យោបាយជិះធ្វើសកម្មភាព និងម៉ូតូជារបស់ជនរងគ្រោះ ដែលចាប់យកបានខាងលើ ការិយាល័យកសាងសំណុំរឿង បញ្ជូនទៅសាលាដំបូងរាជធានីភ្នំពេញ៕