តារាចម្រៀងសុវត្ថិឌីធារិកានិងលោកពូសុផានិតបានដឹកដៃគ្នាចូលរោងការតាមប្រពៃណី
នៅថ្ងៃទី២៦ខែមករាឆ្នាំ២០២៤នេះជាថ្ងៃវេលាល្អសម្រាប់តារាចម្រៀងសុវត្ថិឌីធារិកានិងលោកពូសុផានិតបានដឹកដៃគ្នាចូលរោងការតាមប្រពៃណីក្រោយពួកគេស្គាល់គ្នាអស់រយពេល៣ឆ្នាំ។
ក្នុងថ្ងៃសិរីមង្គលនេះបើក្រឡេកទៅមើលកូនក្រមុំនិងកូនកំលោះពិតជាស្រស់ស្អាតនិងសាកសមគ្នាខ្លាំងណាស់ដោយគូរស្វាមីភរិយាថ្មី១គូនេះពោរពេញទៅដោយស្នាមញញឹមនៅក្នុងថ្ងៃដែលមានសិរីសួរស្តីនេះ។
ទន្ទឹមនឹងនេះដែរមហាជនអ្នកប្រើប្រាស់បណ្តាញសង្គមបានសម្តែងការអបអរសាទយ៉ាងច្រើនក្នុងថ្ងៃពិសេសរបស់តារាចម្រៀងស្រីរូបនេះ។
ក្នុងថ្ងៃសិរីមង្គលសុវត្ថិឌីធារិកាត្រូវបានសាច់ញាតិជិតឆ្ងាយសិល្បករសិល្បការីនីនិងថ្នាក់ដឹកនាំជាច្រើនចូលរួមអបអរធ្វើអោយកូនកំលោះនិងកូនក្រមុំរំភើបជាខ្លាំង។ប៉ុនតែទន្ទឹមនឹងសេចក្តីសុខដែលបានឃើញវត្តមានញាតិមិត្តចូលរួមយ៉ាងច្រើនកុះករនោះសុវត្ថិឌីធារិកាក៏មានអារម្មណ៍សង្វេកដែលថ្ងៃពិសេសក្នុងជីវិតមិនមានវត្តមានមនុស្សសំខាន់ពីរនាក់គឺលោកឪពុកនិងអ្នកម្តាយ។