អ្នកចាំទីថ្លៃជាងគេលើលោកផ្លាស់មកលេងនៅReal Madridក្នុងលក្ខខណ្ឌខ្ចីជើង
កីឡាករ Kepa Arrizabalaga ដែលជាអ្នកចាំទីថ្លៃជាងគេលើលោកកីឡាករ បានផ្លាស់ពី Chelsea មកលេងនៅក្លឹប Real Madrid ក្នុងលក្ខខណ្ឌខ្ចីជើងកាលពីថ្ងៃចន្ទសប្ដាហ៍នេះ។ Kepaនឹងលេងក្នុងមួយរដូវកាល ២០២៣/២៤ ដើម្បីចូលមកជំនួសអ្នកចាំទីបែលហ្សិកកម្ពស់ ២ម៉ែត្រកីឡាករ Thibaut Courtois ដែលបានញាំញីនឹងរបួស។
ជារឿងមួយគួរឱ្យចាប់អារម្មណ៍ដែរ ទាំង Kepa និង Courtois សុទ្ធតែធ្លាប់លេងនៅ Chelsea។Kepa ជាប់ឈ្មោះជាអ្នកចាំទីដែលលក់ក្នុងតម្លៃថ្លៃជាងគេលើពិភពលោក ដោយកាលពីឆ្នាំ២០១៨ ក្លឹប Chelsea បានទិញកីឡាករអេស្ប៉ាញរូបនេះពីក្លឹប Athletic Bilbao ក្នុងតម្លៃ ៩០លានដុល្លារអាមេរិក៕
