លត់កូស្ដារី៧-០យប់មិញ! ជាកំណត់ត្រាឈ្នះច្រើនបំផុតរបស់អេស្ប៉ាញនៅWorld Cup
(កាតា)៖ ក្រុមជម្រើសជាតិអេស្ប៉ាញបានយកឈ្នះលើក្រុមកូស្ដារីកាក្នុងលទ្ធផលរហូតដល់ទៅ៧ទល់នឹង០ ក្នុងការប្រកួតបើកឆាកពានរង្វាន់ FIFA World Cup 2022 នៅយប់មិញនេះ។
អេស្ប៉ាញ ដែលជាក្រុមខ្លាំងមួយនៅអឺរ៉ុបមិនធ្វើឱ្យអ្នកគាំទ្រខកបំនងនោះទេ។ ត្បិតតែពួកគេមានកីឡាករក្មេងៗក្នុងក្រុមច្រើនមែន តែលោក Luis Enrique នៅតែអាចកែច្នៃនិងដឹកនាំក្រុមលេងបានយ៉ាងល្អដដែល។ ពួកគេគ្រប់គ្រងការប្រកួតនេះបានទាំងស្រង់ និងវាយសម្រុករហូតរកបានដល់ទៅ ៧-០ ឯណោះ។ ដោយនេះជាជ័យជម្នះធំធេងមែនទែនសម្រាប់ក្រុមអេស្ប៉ាញក្នុងព្រឹត្តិការណ៍ World Cup ក្នុងប្រវត្តិសាស្ត្ររបស់ពួកគេ។
ក្នុងការប្រកួតខាងលើនេះដែរ អេស្ប៉ាញបានគ្រប់គ្រងបាល់បានដល់ទៅ៨២%ឯណោះ ខណៈដែលរយៈពេល៩០នាទី ក្រុមមួយនេះប៉ះបាល់ឱ្យគ្នាបានដល់ទៅ៩៧៦ប៉ះឯណោះ៕